Horizontal List

Compra de participação maioritária no Greater Sunrise "é histórica" para Timor-Leste
FUTURO
Promulga OJE 2018, PR Lú Olo husu Governu rigor iha ezekusaun

Ai-han Timor Nian
CHINESE INFLUENCE ON RISE IN EAST TIMOR? ‘NONSENSE’
ECONOMIA
Apresentacao do Orcamento Geral do Estado 2018 - PM Taur Matan Rual
Timor Leste - Ekonomi
Bagaimana Ekonomi Timor Leste Setelah 16 Tahun Merdeka?
Timor Leste - Hutang
Akankah Timor Leste Menjadi Perangkap Utang China Berikutnya?
Timor Leste - Public Finances
Sustainable public finances ‘key to Timor-Leste’s future’
Timor-Leste - Banco Mundial
Governo timorense quer Banco Mundial focado em infraestruturas e capital humano

segunda-feira, 29 de março de 2010

PASUS ESTRATEGICOS BA DESENVOLVIMENTO ECONOMICO SUSTENTAVEL

Husi: Vicente Maubocy*

ABSTRATU

Artigo ida ne, nia objetivu atu fo hanoin ba Timor oan hotu, liu-liu policy decision makers sira atu hanoin klean, luan no do’ok (estrategico) prioridades das prioridades atu harii alicercers ekonomicos forte ho abut metin ba economia ida nebe laos garante deit moris diak ba jerasaun presente, mai be garante mos prosperiedade jerasaun futura (sustentabilidade).

Desenvolvimento signifika mudansa ka transformasaun situasaun husi ponto A nakfilak ba B no susesivamente. Inputs ba desenvolvimento implika: investimento kapital, technolgia no rekursus humanos kualifikadus (expertise).

Out-puts desenvolvimento maka resultados nebe hetan atu benefisia ema barak nia moris, atu sai husi situasaun ki’ak no mukit ou ukun nain sira (governantes) ho nia familiares no belum sira maka sai benefisiarios prinsipais.

Kuandu ukun-nain sira uza sira nia poderes iha governu halo desenvolvimento atu suporta ka asiste ema barak nia moris, atu hetan diak, entaun, rungu-rangga social (instabilidade) la mosu.

Se ukun-nain sira tau sira nia intereses maka as liu hodi absorve osan nebe aloka ba desenvolvimento, sedu ka tarde konflitus sei mossu, golpe militar ka guerra civil sei mossu hanesan nasaun sira iha Afrika nebe ita hare iha ekran televisaun.

Economics tuir Wikipedia nia versaun husi free encyclopedia “ciencia social nebe estuda kona ba produsaun, distribuisaun no konsumo de bens no servisus”. Lia fuan ida ne, hahu husi ancient Greek refere ba “gestaun ka administrasaun household”.

Economics nia funsaun atu explika oinsa economia funsiona no oinsa, agents economicos sira halo interesaun (interact). Analise ekonomika aplika ba sociedade, business, relijiaun, finansas i governu, ba crime mos, edukasaun, familia, saude, politica, lei, funo (war) etc.

Koalia ba desenvolvimento economico, fokus liu-liu ba macro economico, nebe abrange economia iha nia aspektu global hanesan: intereste rate, exchange rate, trade deficit, economic growth, unemployement nebe iha konotasaun directa ho GDP.

Sustentabilidade refere liu-liu bem-estar social jeransaun presente labele kompromete jerasaun futura nian. Konatasaun sustentabilidade liga ba meio ambiente-economia no bem-estar social.

Desenvolvimento ekonomiku tuir Wikipedia, refere ba “progressu social no technologiku” nebe implika ba formas de mudansa ba produsaun de bens no servisus hodi resulta eskala bo'ot.

Desenvolvimento ekonomiku tipikamente involve melhoramentos (improvements) nebe hatudu husi indikadores oi-oin hanesan: persentagem de analfabetismo (literacy rates) durasaun de vida (life expetansy) no persentagem de pobreza (poverty rates) iha nasaun ida nia laran.

Nune hakerek nain halo kombinasaun ba termos de referensias xaves 4: estrategico, desenvolvomento, economico nosustentabilidade liga ho teoria macroeconomico husi peritos modernos sira, relasiona ba aspectos-aspectos nebe relevantes ba kontexto Timor Leste.
-
DEFINISAUN MACROECONOMICO TUIR PERSPEKTIVA EKONOMIKA KORENTE (current)
-
Tuir Professor David Moss husi HBS (Havard Business School) nia artigo publikadu iha 25 Janeiro 2010 kona ba (Macroeconomic View of the Current Economy) dehan nune: “involve hanoin economia husi aspetu tomak. Micro refere ba firmas no individuals atores oinsa sira komporta; macro kona ba aggregate performance aspetu ekonomiku kona ba: GDP tomak, trade defecit ka surplus no inflasaun“.

Professor David Moss nia realsa katak Pilares Ekonomicos Tolu maka importante (1) output (2) money (3) expetativas /expectations.

1. OUTPUT nia importansia - Output sai hanesan parte sentral materia macroeconomico tuir Prof. David sai hanesan instrumentu xave atu sukat GDP nebe konstitue total agregadu output kona ba total valores de produtos bens no servisus produzidos durante tinan ida.

Prof. David hatutan katak, dala ruma ema hanoin katak ema iha stocks ho bonds barak, bele kontente ona no para servisu hodi reforma, la fo atensaun ba GDP. Se total output nasaun ida nian la bot sufisiente iha futuru, entaun folin stocks no bonds sira mos la bot tuir expetativa. Ne duni total output impontante tebe-tebes ba kuantidade de produtos hira maka nasaun presiza atu konsume la’os surat tan pedasuk hirak nebe ema bolu stocks no bonds.

Hanesan resultado, ekonomista sira preokupa barak oinsa nasaun sira hasa’e (increase) GDP rate, oinsa ritmo crescimento bele atinge ba longo prazu ho mos buka estrategias oinsa output iha kurto prazu labele volatile dehan Professor David.

2. Segundo pilar macro economico maka MONEY (osan) - money konstitue especial asset nebe ema usa atu sosan sasan ka fan sasan (consumption or spending). Fornesimento (supply) osan, governo maka kontrola liu husi monetary policy. Governo maka iha poder de monopolio sirkulasaun osan nian, ne duni banku sentral iha poder atu hatun ka hasa’e interest rate em kualker momento atu kontrola inflasaun no modera ciclo business.

3. Terceiro pilar maka EXPECTATION: Expectativa importante tebe-tebes tanba representa ligasaun husi presente ba futuro refere em particular ba desisaun politica nebe hasai loron ohin iha implikasaun direta ba aban bai rua.

1. 1. Oinsa konotasaun pilar OUPUT ba ekonomia Timor Leste?

Outputs ekonomikus konstite total agregado de produtos, bens no servius durante tinan ida nia laran. Timor Leste nia agregado de produtos + bens + servisus ba momento ida ne iha nivel ida baixo liu.Tabua de salvasaun atu halo kobertura deficit maka reseitas husi explorasaun de gas husi Bayu Udang nebe fo suporte ba Orsamento Geral do Estado +/- US $ 1 billion anualmente.

Produtos hirak nebe kostitue rikezas ba Timor Leste ho valor komersial elevado iha merkado internasional maka: oil & gas iha tasi okos no rai okos, marmore, granites, cromite, gipson limestone halo ba simentu, ikan iha tasi laran, rai tetuk fertil hodi halo kulturas intensivas de valor exportasaun, ba variedades de culturas, kafe, vanilla, kakau, boracha, nu, paisagem natural komposto husi rai-henek mutin husi Dili to Lore, nebe kosntitue asset bot ba industria de turismo, pastagem diak ba agro-pecuaria, karau vaka, karau Timor, bibi malae no Timor, foho Ramelau, Kabalaki, Matebian no seluk-seluk atrai visitors estrangeiros, kondisoens climaticas ho altitudes hirak nebe bele kuda aifuan hanesan: masans, peras, abronhius, sabrarak, morangos, ho kulturas seluk-seluk ho valor de exportasaun iha merkadu liur.

Husi ponto de vista outputs, Timor Leste iha potensia bot, husi rikezas de solo, sub-solo tasi laran no tasi okos. Importante liu maka halo peskiza integradu ba items sira nebe iha kurto prazu fo serviso ba ema barak no iha folin merkado regional. Hanesan exemplo, produtos de horticultura hanesan modo tahan ka feuk ropa, koto, forekeli, tomates, pipinus, patekas, durante fulan 3 to 6, bele koloka ona iha merkado, I produtores sira bele hetan ona osan. Produtos hortikulas sira uma vez, prenche ona kriterius ho standard de exportasaun, bele exporta ba Darwin, Singapura ka Hongkon ho folin diak. Animal sira hanesan karau vakas, karau timur, bibi sira mos iha folin laos deit iha merkadu nasional maibe iha merkadu regional tanba na’an husi animal Timor Leste totalmente organiku. Importante formas de tratamento liu husi mataduro ho standard atu fo garantia ba kompradores sira livre husi moras.

Natureza Timor Leste posesa inputs ekonomikus barak ke presiza identifika liu husi investigasaun sientifica ka technica ida detalhadu atu hatene kuantidade, kualidade, durasaun, no merkadu potensial iha nebe, atu nune atu produz outputs ekonomikus ba kurtu, ba mediu no longu prazu.

Pozisaun geografika Timor Leste entre Australia no Arkipelagos Indonesia tomak, mos fo vantagem bo’ot ba Timor Leste. Kestaun ka dezafius nebe koloka sasan saída maka Timor Leste halo ka produz atu koloka iha merkadu fatin bo’ot rua ne. Presiza hanoin no buka dalan.

1.2. Saida maka difikulta ba produtos agricolas de valor de exportasaun?

i. Timor Leste iha rai luan barak abandonado husi Suai to Lekidiga (Baguia). Tuir hakerek nain nia observasaun, falta de bee regularmente durante tinan ida tomak atu agrikultores sira uza ba natar ka to’os;

ii. Inexistensia de in-puts agrikolas hanesan tratores, fertilizantes, insetisidas, sistema de armazenamento de bee konstante atu fornese ba kulturas agrikolas;

iii. Now-how modern ba agrikultores atu kultiva produtos, ho technologia adekuada de forma produtos sira hetan folin diak iha merkado;

iv. Falta de net-working ida entre produtores, no konsumidores, no sistema de transporte ida bem organizada husi fatin produsaun to konsumidor ka ba exportasaun;

v. Inezistensia de agenzia ida atu identifika merkado produtos de valor de exportasaun ka produtos hirak nebe maka merkado nasional presiza no regional.

1.3. Oinsa potensia depositos oil & gas sai pilar xave ba Timor Leste economic out-puts?

La iha duvida Oil&Gas sai hanesan fontes importante ida nebe gera fundos ba kualker nasaun iha mundo nia ekonomia. Timor Leste sorte tamba nia sub-solo tasi okos iha largos depositos. Hanesan Bayu Udang fo ona reseitas ba kofre estado Timor Leste + de $ 5 billion iha American Treasure Bond. Timor Leste mos iha tan reserva seluk hanesan Sunrise ho 7 billion Tcf ekivalente 7 billion baris la hatene los bainhira maka bele hatama reseita mai kofre estado Timor Leste tanba iha hela faze de negosiasaun.

Maibe bloku Kalp Deep nebe tuir estimativas iha reservas +/- 14 tcf ekivale 14 billion baris, governu devia hanoin ona buka dalan atu oinsa bele explora ona deposito ida ne, nebe iha Timor Leste nia jurisdisaun tomak. Reseita ba Timor Leste maka $ 10 per barrel multiplika ba 14 billion barrel, koresponde $ 140 billion.

Iha mos blokus husi Kitan 1 ho Kitan 2, Reliance no Oilex nian blokus nebe iha tempo badak bele tama ona iha faze de explorasaun. Fatin hirak ne maka hetan rezervas de oil ka gas abundante hanesan ho Bayu Udang entaun tinan 5 tan reseitas, aumenta bot liu entre 5-10 bilion tinan-tinan.

Hare ba tinan 30 ba oin, se reseitas tomak husi oil&gas no output seluk tan bele atinge $ 300 billion i populasaun Timor Leste bele aumenta ba 3 million halo matematica, income per capita koresponde $ 30 dollar por dia. $ (300 000 000 000 / 3 000 000) / 10 000 (dias) = $ 30 x 365 dias = $ 10 850. Numero ida konservativo.

Kompara husi Bali nebe hetan reseitas bo’ot husi Turismo $3 a 4 billion depois de 30 anos de experiencia, income per capita foin maka atinge $ 1 200 por ano (fontes JK post March 2008).

Realidade hatudu Outputs estrategikus ba ekonima Timor Leste iha futuro maka baseia ba aspetus: industria de Oil & Gas, Turismo, agro industria no services.

Obstakulus nebe enfreta ba explorasaun de gas husi Sunrise ka Kelp Deep sei reside ba modus de transporte. Via Pipeline ou LNG Carriers, nebe presiza technologia ida sofistikada akomponha ho investimento de billion dollars atu transporte gas husi tasi mai rai maran. Via Pipeline gas mai Timor Leste embora feasibility study hatudo ona la iha problema, technologia sistema J-Flex mos prontu ona atu responde maibe, presiza akompanha mos ho preparativus seluk. Opsaun seluk atu lori gas mai rai maran, tanba distancia badak cerca de 200 miles nebe lori horas 8 de percurso, mos bele sai alternative atu adopta. Usa sistema Pipeline ka CNG carriers, lori gas mai rai maran Timor Leste, presiza prepara ona portos ho aeroportos no fasilidades seluk-seluk vitais, ba fatin nebe atu processa gas hodi exporta ho antecedencia.

1.3.1. Industria Turismo - sai fontes de reseitas principal ba Timor Leste ba futuru tanba dispoen servisus ba skilled non skilled labour. Estatistikas hatudu katak, turista ida fo emprego ba ema local 5. Ne duni se industria Turismo Timor Leste desenvolve didiak no iha kapasidade atu simu iha faze inisial 100 000 visitores deit entaun hakarak ka la kohi tenki admite ema husi liur atu servisu iha Timor Leste.

Ita nia vizinhu Bali tuir Made Mangku Pastika, Governador Bali (Jk post Wed 04/08/09) dehan iha 2008 Bali, simu turista 1,9 million. Reseita husi Turismo gera $ 2 a 3 billion de dolares por ano nebe fo impaktu diretu ba income per capita $ 1 200 por ano.

Timor Leste iha potensia Turismo barak liu Bali. Beleza Scuba diving Timor Leste diak liu Bali tuir peritos sira nia observasaun. Iha aguas profundas entre Atauro ho Alor tinan-tinan baleias species 7 maka lao ba pasiar iha fatin neba. Ne duni sai mos ponto de atraksaun ida ba visitors sira ke Bali la iha.

Kompara extensaun de praias ho raihenek mutin, Timor Leste nia area naruk liu Bali nian. Ponto forte Bali maka ondas ba Surfing iha Kuta nebe atrai fans husi rai barak, liu-liu gerasaun foun. Paizajem natural Bali, tuir author nia investigasaun Timor Leste diak liu tanba iha pontos a’as barak espalhado iha territorio tomak.

Bali rai tetuk. Atu hetan altitude de 500 metros lori horas de viagem. Enkuanto Timor Leste atu hetan altitude de 500 metros lori deit 30 minutos.

Bali iha mos vantagem bo’ot do ke Timor Leste tanba sira nia industry turistika kleur ona ho idade + de 30 anos. Ne duni sira estabelecido ona ho infra-estruturas mega hotel no medium size espalhados iha fatin turisticos. Kontudo plano de urbanizasaun iha Kuta, Legian no Sanur presisa hadia diak liu tan.

Ho experensias rai seluk-seluk nian, Timor Leste bele halo zonas turisticas ho planeamento ida ke bele responde demands ba tinan 50 ba oin. Fokus liu-liu ba ordenamento de konstrusoens de parkes, estradas largas, passeios, kanos de esgotos, zonas verdes, jardins, fasilidades publikas: (night clubs, telekomunikasoens, bankus, lojas, hospital) etc.

Aspektu importante ba industria turistika maka fokus liu-liu limpeza + hygiene no seguransa iha areas publikas atu visitors sira hetan impresaun diak hodi nune sira bele transmite ba sira nia maluk sira hodi mai vizita no lori osan, hodi gasta.

Aspektu importante seluk maka Timor Leste tenki prepara ona ba future, maun de obra kualifikada iha industria hoteleria, ba area: front office, house keeping, bars + restaurant , kitchen no managers ba high level no middle level. Ne duni tenki hahu loke ona eskola TAFE iha TL no haruka ona estudantes ba liur hanesan Australia, Singapura, Honkong Amerika ka Europa hodi hetan formasaun technika no akademika.

Language training iha Ingles, Japones, Koreano , Chines importante, ba staff tour guide no hotel tanba China 30 millios de milionarios maka komesa vizita ona ba estrangeiro.

1.3.2. Agro industria - Konstitue aspect relevante ba agrikultores sira nia sasan folin iha merkadu no mos operadores sira ba industria no fabrika produtos lokais bele koloka iha merkadu externo. 80% de populasaun moris iha agrikultura, governu ten-ki buka estrategias no mekanismo atu hasae produtividade produtos agricolas mais diversifikado la’os deit ba konsumo nasional maibe ho valor de exportasaun.

Uma vez populasaun sira okupadu produz sasan ruma maka iha folin, unemployment rate reduz automaticamente, iha impaktu ba aumento de GDP ida ne’e por sua vez iha ligasaun economic growth.

Agro industria ke Timor Leste fokus, fo enfase liu-liu ba export oriented products nune bele kompensa ho trade deficit. Atu alkansa objective ida ne, governu Timor Leste liu-liu Ministerio de Agricultura, Comercio Industria, Economia Sec Estado Formasaun Professional ho Sector Privadu tur hamutk hodi estuda no trasa plano ida integradu atu hahu husi nebe, no oinsa la’o ba oin. Kodernasaun inter-ministerial importante para medidas nebe toma ka deside la-bele kotu iha dalan klaran.

1.3.3. Service Industry - kompostu husi skill de professihanesan: tesi fu’uk, massagen, halo dosi, alfaiates, sapateiros, pedreiros, kanalizadores, hadia aparelhos eletronicos, mekanicos, advogados, kontabilistas, medicos, cirurgioens, engineiros, arkitetus, musikos, marinheiros, professional managesr, financial specialist, etc.

Experiencias hatudu katak marinheiros iha Asia, Philipinus sira maka ita hare iha crew ro barak. Hanesan Maluku iha keda tuir ro barak iha Indonesia. Security iha Australia, Samoa, Tonga sira maka domina tanba sira nia aspect fisiku bo’ot maka fo vantagem halo servisus de seguransa iha nightclubs.

Ita Timoroan, iha vontade bo’ot atu aprende. Dehan kolegas estrangeiros sira nebe ami servisu hamutuk. O importante hanorin no fo oportunidade atu aprende no dispoen de fasilidades atu hakat ba oin. Talentos naturais Timorenses aprende lais, valor bo’ot ida atu kada familia hetan prosperiedade iha tempo badak na medida, dispoen de fasilidades no oportunidade.

Como Timoroan badinas aprende hodi sai matenek, sai mos asset bo’ot hodi ba servisu iha estrangeiro no haruka osan mai familias iha Timor Leste (remittance). Hanesan Timoroan sira ba Irlandia ka Inglatera haruka fula-fulan osan mai familia iha Timor Leste.

Opsaun seluk ba Timor Leste mos Bank industry hanesan Singapore ka Hong Kong nebe nasaun barak hari sira nia bankus iha neba. Komo TL iha osan husi fundos de petroleo ho montante bo’ot, bele toma konsiderasaun seria ba aspektu ida ne mos.

Hare deit tempo okupasaun Indonesia fo asesu bo’ot ba Timor oan ba eskola iha universidades, iha areas oi-oin liu tinan lima formados barak, oras ne’e dadaun medikus espesialistas Timoroan mos iha numero diak ona, kompara ho kolonizasaun Portuguesa. Estudantes sira ba Kuba aprende medicina ho background ida totalmente diferente iha lingua Espanola, maibe ho esforsus bo’ot, liu tinan 6 sira konsegue domina materia hodi hetan lisenciatura iha medicina.

Buat hirak ne hatudo katak Timoroan inteligente duni la lakon ho povo rai seluk avansadu. Tuir Henry George (New York November 1880) dehan “investigasaun revela katak diferensas iha civilizasaun la’os depende ba rasas ka individual maibe diferensas reside oinsa organiza socialmente “Progresso normalmente iha interligasaun direta ho organizasoesn, civilizasaun naksobu kuandu mosu ona desigualde social”.

Teoria ne’e los duni. Ho formas de organizasoens oi-oin durante 24 anos de Resistensia maka Timor Leste konsegue hetan Independensia Nacional.

2. Segundo pilar maka MONEY

Timor Leste possesa reserva de fundos de $ 5 billion iha American Treasury Bond. Montante ida ne espetakular kompara ho nasaun seluk nebe iha dividas externas depois de longa data de Independencia.

Evidentemente atu halo investimento presiza money. Ora Timor Leste iha money atu gasta ba iha nebe? Ida ne maka desafio bo’ot iha oin. Kostuma dehan “money will pull money” hodi osan maka dada osan.

Tuir hakerek nain nia anaslise ba situasaun real Timor Leste, aspektus importante maka hodi investe hanesan:

2.1. Formasaun de rekuros humanos - iha areas de ciencia, technika informatica, ingeneria, no areas seluk nebe Timor Leste presija iha kurtu prazu. Nune Governo prepara orsamnto ida espesial ba kapasitasaun de rekuros humanos ba países sira avansados hanesan Amerika, Europa, Japaun tinan-tinan haruka 200 a 500 ba liur hodi hetan formasaun, nune kuando remata, matenek nebe sira adkire iha liur, sai motor atu aselera desenvolvimento.

Exemplo Korea do Sul iha 1961 Presidente Park Sun Hee rekruta 500 bolseiros ho prestasaun diak ba Amerika no Europa, depos de tinan 10 GDP per capita sa’e husi $ 1000.00 ba 10,000.00.

La deskura atensaun mos ba ensino basiko, sekundario no superior iha rai-laran ba formadores sira ho konhesimento elevado no fasilidades de internet iha eskolas sekundarias sira tomak, atu estudantes sira hetan informasaun aktual via internet.

Lingua sai mos barreira bot ida ba avansu do ensino. Timor Leste situa iha Asia nebe okupa 2/3 da populasaun mundial. Momento ida ne’e, populasaun iha mundo serka de 6.6 billioens. 4 e tal billions iha Asia, nebe usa Ingles hanesan veikulo de komunikasaun ba relasoens comerciais no sociais.

2.2. Investimento ba depositos de Oil & Gas – Investimento iha area ida ne importante atu hetan reseitas bo’ot liu ba kofre Estadu Timor Leste. Oil & Gas hanesan commodity ida nebe iha folin diak iha merkado internasional ne duni investe iha area ida ne tenki fo prioridade bo’ot. Gas seeps no oil seeps iha onshore mos merese atensaun iha kurto prazo tanba la presisa investimento bo’ot no technologia avansada.

Seismic survey ba onhore oil & gas deve ser prioriedade atu hatene volume atu posibilita future investimentos. Kestaun de explorasaun buat seluk nebe depende ba necessidade.

2.3. Investimento ba infra-estrutura primarias – estradas, pontes, eletricidade, telekomunikasoen, portos, aeroportos, sewerage facilities sai prioridades atu investe iha tempo badak. Halo luan estradas nasional: Dili – Lospalos + Vikeke; Dili Batugade + Maliana + Suai; Dili - Ainaro, Same. Hadia no halo luan mos Estrada husi Suai, liu Betano, Vikeke to’o Lospalos. Porto Suai prioridade bot tebe-tebes tanba ekipamento pezadu de 50 toneladas ba oin, kamioneta sira labele tula tanba stradas klo’ot. Porto Suai importante atu suporta logistika ba explorasaun de gás & oil iha JDPA ou zona exklusiva de Timor Leste. Aeroporto Suai mos tenki upgrade ba parkes de helikopteros nebe opera iha JDPD no fasilita voos ba technikos sira nebe servisu iha areas de explorasaun. Tempo nebe semo husi Dili ba Suai 30 minutos. Lori viatura ligeira lori horas 5. Aeroporto Baukau mos merese konsiderasaun ba aviaoens nebe ho kapasidade bo’ot hanesan booing 747 no airbus sira nebe lori pasageiros to 250. Enkuanto aeroporto Dili so aterra aviaun sira nebe lori passageiros maximo 125.

Telekomunikasaun assunto serio ida ke governu tenki resolve lalais hodi loke dalan ba liberalizasaun hodi admite kompanhias seluk hodi halo kompetisaun de presu ho Timor Telekom. Tanba servise no presu per call husi Timor Telekom karu tebe-tebes.

Investimento basikos sira nebe governo sei dauk iha kbi’it, bele buka dalan ba BOT (build offer and transfer) hanesan akontese iha nasaun sira seluk, hodi fo espasu de tempo suficiente atu investors rekupera fali sira nia capital de investimento. Ho opsaun ida ne, governo la gasta osan, investors sira maka investe, no desenvolvimento sai rapido iha areas hirak nebe investors sira iha interesses. Nune iha tempo badak desenvolvimento Timor Leste hakat ba oin lalais.

2.4. Insentivos de legislasaun – Leis no birokracias iha departamentos do governo sai mos entrave bo’ot hodi investors estrangeiros mai investe. Simplikasaun do registo de business, lei das terras no propriedades, kapasitasaun de funsionarios do governo presta servisus + mais professional, tama hotu iha xadres hodi dada osan husi liur mai laran Timor Leste.

3. EXPECTATIONS (Espetativas) - Terceiro aspect output nia nebe Prof. David refere incide ba Espetativas nebe relasiona ho desizaun politika, husi “ukun nain sira nia desisaun”. Saida maka deside ohin loron iha reperkusaun ka impact diretu ba aban-bairua positive ka negative. Parte vital iha expetativa maka “lideransa nacional nia behaviour“, “hadomi povo ka hanehan povo“. Hakarak ka iha vontade atu povo moris iha prosperiedade ka povo moris iha pobreza.

Marcshall Goldsmith (Feb, 19, 2010: coments (28)) dehan katak iha era insdustrial nebe organizasoens sira baseia ba modelo da hirarkia, karateristikas leaders sira baseia ba: unemotional, rational no mechanist. Modelo ida ne’e tuan ona. Leader ohin loron nebe enfrenta desafius oi-oin iha dinamika de globalizasaun sente dezesperado ba karateristika xave ida nebe Goldsmith bolu – self-waereness (auto- conscienencia) ba mudansas no exigencias foun oi-oin.

Sucesso organizosoen sira ohin loron depende ba “Lideres sira nia talentos, skills, experiencias, no emotional intelligent“. Oinsa monitor, halo gestaun no reage ba siatuaoens diferentes nebe mossu em kualker momento, dehan Goldsmith.

Aspetu importante ida husi expektativa, refere ba politica ekonomika nebe ukun nain sira adopta durante sira nia governasaun kona ba desenvolvimento ekonomiko.

Tuir definisaun geral husi Wikipedia, kualker desenvolvimento fokus ba “bem-estar humano“, human well being. Benefisiarios husi implementasaun bele ba grupo ki’ik ida, (regime dictatorial) ou ba ema barak nia bem-estar (regime democratic).

Expetativa atu ema barak moris diak, husi politika de desenvolvimento depende ba karakter governante sira (presidente ka primeiro ministro). Usa poderes atu serve sira nia interesses ou povo nia interesses. Atu hatene klaru, hare husi Indikadores husi povo nia moris. Standard povo moris diak, hanesan edukasaun, health care, per capita income bo’ot, desemprego la iha, prova katak – governo servisu duni ba povo. Kuando povo moris iha situasaun ida ki’ak no mukit no governantes sira maka absorve hotu benefisios de desenvolvimento entaun governantes sira usa poderes de governasaun ba sira nia aan rasik hodi sai riku.

Tuir Wikipedia desenvolvimento ekonomiko nasaun ida nian, relasiona diretamente ho desenvolvimento humano, entre buat barak, mais importante maka “fator SAUDE no EDUKASAUN”.

Parte sentral, konseito desenvolvimento sentraliza ba “bem-estar humano” refere prosesu atu expande (loke luan) oportunidade ba indiduals atu desenvolve ho sira nia potensial maximo atu hetan asesu bo’ot ba health care, education, income employment, decent standar of living.

Politika de desenvolvimento maka la focus atu hasa’e standard povo nia moris atu hetan emprego, kuidados de saude adekuada, emprego, asesu ba edukasaun nivel basiko no superior, akompanha ho kondisoens ba longidade de vida ita bele konklui katak governo ses husi nia kna’ar atu serve superiors interesses povo. Konsekuensia maka sei resulta instabilidade no estado sai fragil. Sedo ka tarde forsas populares halo movimento atu hatun sistema dictatorial. Historia fo exemplos barak ona.

KONKLUZAUN

1) Politika desenvolvimento tenki fokus ba bem estar social economic no politico Timoroan hotu;

2) Governo tenki buka meios hotu-hotu atu kria empregos, hasa’e income per capita, fasilidades Timoroan hetan cuidados de saude, edukasaun, standar moris diak;

3) Sem estradas no energia eletrika, ekonomia la funsiona iha Timor Leste;

4) Porto iha kosta Sul imperativo atu transporta ekipamento pezadu tanba kondisoens estradas la permite;

5) Atensaun ba tres pilares macroeconomico outputs, money no expectation sai pontos xaves ba politika desenvolvimento;

6) Kualifikasaun rekursos humanos Timorense fator determinante ba desenvolvimento Timor Leste.

REKOMENDASOENS

i. Seismic survey ba onshore gas&oil atu identifica kuantidade komersial ho mos survey ba minerais atu hatene reservas;

ii. Master plan ba cidade Dili, Distritos no sub-Distritos atu halo plano de urbanizasaun;

iii. Idenfikasaun de zonas ba komersio, industria, turismo, produsaun agricola, pastagem, rekreasaun a nivel nasional hodi fasilita ordenamento desenvolvimento;

iv. Forma research and development study center husi akademikos, profesionais, no sociedade sivil atu fo apoio ba governo “insights, inputs” ba prioridades de desenvolvimento;

v. Haruka bolseiros ba universidades conhecidas iha estrangeiro atu hetan formasaun professional.

*) Obesrvador assuntos economicos-politicos e sociais. Artigu exkluzivu ba F©RUM-HAKSESUK - Publika iha data 24 Marsu 2010 iha formatu PDF no HTML

terça-feira, 2 de março de 2010

Pacific Economy to perform slightly better in 2010: ADB

13:04, March 02, 2010

Due to improved global economic environment, most Pacific island economies are expected to perform slightly better in 2010 than in 2009, Asian Development Bank (ADB) said Tuesday.

In the first publication for 2010 on Pacific Economy, the Pacific islands are expected to expand by 0.5 percent in 2010, after contracting by an estimated 1.4 percent in 2009, the ADB said.

Vanuatu is expected to remain the best performing Pacific island economy, bolstered by the benefits of recent improvements to its economic policy. Of all the Pacific island economies, only the Fiji Islands and Palau are expected to contract in 2010, an improvement from 2009 when five economies in the region contracted.

The overall growth rate for the Pacific region (the Pacific islands, plus Papua New Guinea and Timor-Leste) is expected to rise slightly in 2010 to 3.7 percent, from 2.4 percent in 2009, largely driven by resource-rich Papua New Guinea and Timor-Leste.

The report said that many of the Pacific island governments are still feeling the impact of the economic slowdown on their tax revenue, so fiscal pressures remain. Those pressures are particularly intense in the Fiji Islands, Marshall Islands, Samoa, Solomon Islands and Tonga.

"The working poor, those that have jobs but earn too little to meet their basic needs, have been more exposed to the economic slowdown than others as construction, manufacturing and retail and wholesale activity weakened," said Cecile Gregory, Senior Advisor of ADB's Pacific Department.

Source: Xinhua
http://english.people.com.cn/90001/90778/90858/90863/6906215.html